Arqueoloxía e procesos memoriais da guerrilla antifranquista nos montes de Casaio (Carballeda de Valdeorras, Ourense)
Resumo
Os montes de Casaio, no noreste da provincia de Ourense, convertéronse nos anos 40 e 50 do pasado século nun dos centros fundamentais de articulación da guerrilla antifranquista. Desde o ano 2016 levamos a cabo un proxecto de análise histórica e arqueolóxica da coñecida como Cidade da Selva, un conxunto de campamentos que a guerrilla instalou nestes montes e un punto nodal da Federación de Guerrillas de León-Galicia. Paralelamente, desenvolveuse un proxecto antropolóxico co obxectivo de analizar os procesos de construción da memoria nas comunidades locais da zona en relación á violencia, represión e resistencia do fenómeno guerrilleiro. Neste traballo presentamos os primeiros resultados e reflexións deste proxecto. Preséntanse varios exemplos de procesos memoriais cuxa ligazón común é a vinculación entre memoria e materialidade. Ademais, desde esta proposta, confrontarase o concepto de memoria que se desenvolveu académica e socialmente desde a coñecida como Lei da Memoria Histórica.
Downloads
##submission.format##
##submission.crossmark##
Licença
A revista Madrygal. Revista de Estudios Gallegos, para fomentar o intercambio global do coñecemento, facilita o acceso sen restricións aos seus contidos desde o momento da súa publicación na presente edición electrónica, e por iso é unha revista de acceso aberto. Os orixinais publicados nesta revista son propiedade da Universidad Complutense de Madrid e é obrigatorio citar a súa procedencia en calquera reprodución total ou parcial. Todos os contidos distribúense baixo unha licencia de uso e distribución Creative Commons Recoñecemento 4.0 (CC BY 4.0). Esta circunstancia debe facerse constar expresamente desta forma cando sexa necesario. Pode consultar a versión informativa e o texto legal da licencia.
A revista Madrygal. Revista de Estudios Gallegos non cobra taxas por envío de traballos, nin tampouco cuotas pola publicación dos seus artigos.
