O viño de Cabanelas: Documentos do mosteiro de San Pedro de Ansemil no Arquivo do Reino de Galicia
Resumo
A intervención dos padroeiros laicos e, de maneira máis ampla, a aristocracia local, ten unha importante relevancia no percorrido histórico dos mosteiros ao longo da Idade Media e, de forma especialmente significativa, na configuración do seu patrimonio. Non é unha excepción a este feito San Pedro de Ansemil (Silleda, Pontevedra), casa dúplice en orixe e pequeno mosteiro feminino en período pleno e baixomedieval. O obxectivo perseguido con este artigo, alén de ofrecer unha breve caracterización histórica do cenobio, consiste en presentar a transcrición dun conxunto de diplomas custodiados no Arquivo do Reino de Galicia correspondentes ao patrimonio do mosteiro. Refírense estes a unha relevante doazón feita a Ansemil polo seu benfeitor Diego Gómez de Deza, na forma dunha renda en viño que previamente tiña adquirido para si mesmo, procedente da localidade de Cabanelas, na comarca do Ribeiro, así coma unha serie de documentos, recollidos nun tombo, vinculados á xestión do modesto patrimonio monástico.
Downloads
##submission.format##
##submission.crossmark##
Licença
A revista Madrygal. Revista de Estudios Gallegos, para fomentar o intercambio global do coñecemento, facilita o acceso sen restricións aos seus contidos desde o momento da súa publicación na presente edición electrónica, e por iso é unha revista de acceso aberto. Os orixinais publicados nesta revista son propiedade da Universidad Complutense de Madrid e é obrigatorio citar a súa procedencia en calquera reprodución total ou parcial. Todos os contidos distribúense baixo unha licencia de uso e distribución Creative Commons Recoñecemento 4.0 (CC BY 4.0). Esta circunstancia debe facerse constar expresamente desta forma cando sexa necesario. Pode consultar a versión informativa e o texto legal da licencia.
A revista Madrygal. Revista de Estudios Gallegos non cobra taxas por envío de traballos, nin tampouco cuotas pola publicación dos seus artigos.
