O perfil do profesorado de galego para non galegofalantes: unha aproximación baseada en eGrid

Resumo

Este artigo presenta os resultados dunha investigación cuxo obxectivo é describir o perfil do docente de galego para non galegofalantes baseado na grella de autoavaliación eGrid. A análise levada a cabo apóiase en datos cuantitativos e cualitativos recollidos a través dun cuestionario en liña que foi distribuído mediante correos electrónicos e redes sociais. Os resultados ofrecen un primeiro cadro do perfil obxecto de estudo e confirman que o colectivo, que desempeña o seu labor docente en diferentes países ao redor do mundo e diversos niveis educativos ou contextos de ensino-aprendizaxe, é maioritariamente feminino con alto coñecemento do idioma e da cultura galegos. A comunidade está moi dividida entre os docentes que presentan máis anos de experencia e aqueles que son noveles. Ademais, os estudos galegos teñen unha presenza limitada en comparación con outras materias. A falta de visibilidade da lingua galega xunto coa dispersión xeográfica fan necesaria a asociación dos docentes para crear accións e formación conxunta.