"Sobredose dun rostro": o poder dun retrato de Ingrid Bergman e as súas conse- cuencias

Resumo

Este traballo trata sobre a lectura dun poema de Manuel Álvarez Torneiro tendo en conta o poder da imaxe e as consecuencias físicas e psíquicas que poden chegar a espertar nos receptores da obra de arte. Na análise do poema, téñense en conta tanto os recursos que se empregan nos versos como a situación que se pode imaxinar que está a pasar o “eu poético”, pois este non deixa de ser un exemplo de admirador artístico que se deixa alterar pola imaxe que ve, do mesmo xeito que podería facer o lector do poema. Neste sentido, trátase a representación artística en xeral que conmove o espectador, a creación de vida que se fai grazas á conmoción que se sofre e as consecuencias que veñen da man desa conmoción; sempre, todos estes aspectos, tendo como referencia o exemplo do poema obxecto de estudo, “Tardes de Ingrid Bergman”, escusa que se emprega para tratar estes temas.